Mentor - verkefni fyrir alla

Föstudaginn  9. mars var haldin mjög fróðleg námstefna í Skíðaskálanum í Hveradölum sem ég sótti.  Námstefnan var skipulögð og haldin á vegum kvennasamtakanna “Allar heimsins konur”.  Þarna var samankominn fjölbreyttur hópur reynsluríkra kvenna sem tóku þátt í námstefnunni. Konur sem hafa unnið með og eða hafa reynslu af innflytjenda og flóttamannamálum kvenna á Íslandi,  í Danmörku og í Svíþjóð.
Á námstefnunni kom fram kvenninnflytjandi sem flutti frá Póllandi til Íslands árið 2001.  Hún sagði frá eigin reynslu af aðlögun í nýju landi, með ólíkt tungumál.    Gunhild Riske frá Danmörk kynnti svo hvernig Mentor verkefni eru almennt skipulögð og hvernig vinnan fer fram. Jelica Ugricic frá Alþjóðalegu Kvennasamtökunum (IKF) í Malmö,  kynnti hugsjón samtakanna.  IKF eru frjáls félagasamtök og hugsjón þeirra er að vinna að framgangi jafnréttis, margbreytileika, menningarfærni og aðlögun og atvinnumálum kvenna.
Á námstefnunni komu fram stjórnendur frá hinum ýmsu stofnunum og kynntu reynslu sína af því að vinna á fjölmenningarlegum vinnustað. Það var gaman að sjá  hvað þetta gengur vel. En  einu voru þó vinnuveitendur allir sammála um að skipti mestu máli, en það er að fólkið læri íslenskuna.  Verkefnistjóri Rauða Kross Íslands (RKÍ) kynnti móttöku flóttafólks til Íslands. Móttaka flóttafólks til landsins er samstarfsverkefni nokkurra stofnana. Samráðs- og framkvæmdahópur  skipuleggja stuðningsfjölskyldur og undirbúa sjálfboðaliða til þess að taka á móti hópum.  Reynslan sýnir svo að margir sjálfboðaliðarnir halda samskiptum sínum áfram við hinar erlendu fjölskyldur, að verkefni loknu.  Þarna var mjög athyglisvert að heyra um reynslu inn- og erlendra aðila í þessum málum. Meðal annars kom í ljós, að staða kvenninnflytjenda er önnur á Íslandi en á Norðulöndum.  Munur er sá að á Íslandi eru konur útivinnandi og þess vegna betur staddar fjárhags- og félagslega.  Á Norðurlöndum hins vegar, þurfa konur oftar aðstoð við að koma sér fyrir á vinnumarkaði og í hinu nýja samfélagi.  

Úrlausnir í öldrunarþjónustu.

Öldruðum einstaklingum er að fjölga til muna í samfélaginu. Það er mjög ánægjulegt að heilbrigðiskerfið er að bæta heilbrigðisþjónustuna í landinu. Staðreindin er að með betri og  vel skipulagðri heilbrigðisþjónustu lengist líftími einstaklinga.  Fólk er  lengur virkt í starfi sem og í samfélaginu í heild. En þegar heilsan bregst þurfa einstaklingar á aðstoð okkar að halda. En hverning getum við þá aðstoðað einstaklingana? Hvað er í boði?  Ef fólk veikist alvarlega leggst það inn á sjúkrahús. Fólki batnar og útskrifast og fer síðan heim.  En fyrstu dagarnir eru oftast frekar erfiðir.  Sjúklingar eru slappir og þreyttir eftir minnstu áreynslu. Oftast er lyfjameðferðinni haldið áfram heima eftir útskrift, sem og umbúðaskiptum á sárum. Þar kemur heimahjúkrun sterk inn til aðstoðar og til þess að fylgja þessum einstaklingum eftir með umönnum.  En því miður vegna skorts á starfsfólki er þessi þjónusta oft takmörkuð. Það þarf því að efla heimaþjónustuna til muna þannig að hún sé aðgengileg fyrir alla og létti undir með heilbirgðiskerfinu.  Öryggi skiptir mestu máli fyrir einstaklinga og fjölskyldur þeirra.

Íslenska fyrir fullorðina.

Í sunnudagsblaðinu birtist mjög athyglisverð grein eftir Toshiki Toma, prest innflytjenda, um hvers konar íslensku innflytjendur eigi að læra. Okkur finnst þetta kannski þetta svolítið sérstök spurning, en þegar við veltum þessu lengur fyrir okkur er  svarið ekki endilega sjálfsagt.Á nitjánda áratugnum voru tvennskonar námsmöguleikar í boði í íslenskri tungu. Annars vegar að fara í þriggja ára háskólanám  og læra framburð, málfræði og bókmenntir. Í þessu námi er einning sett mikil áhersla á  fjölbreyttan  orðaforða, að skrifa verkefni og fl. Þetta er þrjátiu eininga háskólanám og nemendurnir eru í skólanum alla daga og litlir möguleikar á því að geta unnið með náminu.  Kynna sér íslenskar bókmentir, skrifa um þær útdrætti og verkefni. Hins vegar var í boði  skipulögð stutt námskeið sem flest verkafólk vildi sækja um. Þessi námskeið eru oftast fimmtíu timar og haldin á kvöldin. Kennsluefnið er skipulagt í flestum tilvikum og þetta er hverslags orðaforði og framburður.  Að læra stuttar setningar, einfaldar spurningar og svör við þeim. Ekki er sett mikil áhrersla á málfræði eða skrift.  En á síðustu árum var bætt við þriðja námsmöguleikanum á íslensku námi, en það er starfstengt nám í íslensku. Nemendur læra orðaforða sem þau nota við störf sin, að halda uppi samskiptum við vinnufélaga og vinnuveitanda. Námskeiðin eru haldin á vinnustöðum í vinnutimanum og starfsmenninir eru mjög ánægðir með þetta fyrirkomulag. Allir hafa jafna möguleika á því að læra tungumálið. Námskeiðin eru niðurgreidd að hluta, af vinnuveitanda, verkaýðsfélagi og nemandanum sjálfum. Þessi  námskeið gera starfsmönnum kleift að geta unnið vinnuna sína vel.
En það þarf líka að undirbúa námskeið fyrir nemendur sem eru lengra komnir í íslensku kunnáttu, til þess að þeir staðni ekki og læri hana betur.  Læri hana vel, þannig að þeir geti kynnst og notað íslenska menningu, listir, bókmenntir og fl.

Islandzki przedstawiciel do Helsinek.

Eiríkur Hauksson wygral wczoraj w konkursie piosenek i pojedzie jako przedstawiciel Islandii do Helsinek na Festiwal. Festiwal odbedzie sie w dniach 10-12 maja. Eirikur spiewal piosenke pod tytulem "Czytam z Twojej reki". Piosenka ma duze szanse na osigniecie wysokiej pozycji. Zycze powodzenia Eiríkovi w Helsinkach.

Á hverju þurfa börn innflytjenda mest á að halda?

 Tungumálakennsla er það mikilvægasta sem börnin þurfa á að halda.  Þegar innflytjendur koma til nýs lands að vinna og afla sér öruggra félagslegrar stöðu, þá senda þeir yfirleitt gjaldeyri til heimalandsins, fyrir fjölskylduna sína sem býr úti.  Timinn líður og innflytjendur sakna sárt snna nánustu, jafnvel bæði maka og barna.  Þá kemur oft löngun til að fjölskyldan sameinast á ný og hefji hreinlega búskap í nýju landi. Það gengur yfirleitt vel fyrir sig, maki fær fljótlega vinnu og börnin fara í skóla. Börnunum er vel tekið í skólunum og bekkjafélagar eru hjálpsamir við að reyna sitt besta til að þessir nýju nemandurnir og skólafélagar aðlagist og verði ánægðir.  En því miður í mörgum skólum, vantar starfsfólk í tungumálakennslu fyrir þessi börn sem þurfa aðstoð við að læra íslenskuna.

Upplýsingarflæði til innflytjenda.

Á síðustu mánuðum hefur verið vaxandi umræða um innflytjendamál á Íslandi.  Það er frábært að sjá þann áhuga margra hópa Íslendinga á því að kynna sér aðstæður innflytjenda.  Einstaklinga úr hinum ýmsu starfstéttum, félögum og stjórnmálaflokkum.   Margir vinna nú þegar í þágu innflytjenda við að skoða aðstæður þeirra, möguleika á tungumálanámi og almennt leita úrlásnar í ýmsum þeirra hversdagsmálum.
Við sem erum læs og skiljum íslenska tungu, höfum þann möguleika, að fylgjast með fréttum í blöðum og öðrum fjölmiðlum og vitum því hvað er að gerast í kringum okkur.  Við fáum upplýsingar um vaxandi efnahagsstöðu landsins,  þróun vaxta, lækkun virðisaukaskatts á matvæli og margt, margt fleira. Að hlusta á fréttir og fá þessar upplýsingar um hvað er að gerast í kringum okkur þarf og verður að vera sjálfsagt mál fyrir okkur innflytjendur.  Annars er ómögulegt að taka þátt í samfélaginu og innflytjendur verða utangátta.  Því miður eru ekki allir svo heppnir að geta kveikt útvarpi eða sjónvarpi og hreinlega skilið hvað verið er að segja þar. Stór hópur einstaklinga í okkar samfélagi, getur ekki fylgst með og skilið hvað er að gerast í heiminum, eða bara í næsta bæjarfélagi og hvað þá þeirra nánasta umhverfi. Þess vegna er það í okkar allra þágu, að bæta upplýsingarflæði til innflytjenda enda víkkar það sjóndeildarhringinn í okkar samfélagi og kemur á framfæri þeim breytingum sem þar eiga sér stað. Það gerir innflytjendum kleift að taka þátt í samfélaginu okkar og leggja sitt af mörkum, í þágu okkar allra.

Informacje dla rodaków

Ostatnio bylam bardzo zajeta. Zdawalam ostatnie egzaminy na uczelni wydziale pielegniarstwa, zapisalam sie na kurs organizowany przez Partie Niepodleglosci. Kurs organizowany jest raz w roku zajecia odbywaja sie trzy razy w tydodniu - wieczorem plus praca, czasami nie wiadomo od czego zaczac.  Cóz, ale program kursu jest tak interesujacy, czas szybko leci, i czekam z niecierpliwoscia na nastepne zajecia. Poza tym powoli rusza kmpania przedwyborcza.

Skemtileg lif

Það er búið að vera brjálað að gera hjá mér síðustu daga þar sem ég var að klára síðustu prófin í diplómanámi mínu í hjúkrunarfræðideild Háskóla Íslands. Síðan var ég ákveðin í því að eiga eitt letiár og halda áfram námi eftir það. En áður en ég vissi, þá var ég búin að skrá mig í Stjórnmálaskóla Sjálfstæðisflokksins og viti menn, það er það besta og skemmtilegasta sem ég hef gert. Fyrirlestrarnir eru mjög athyglisverðir og námið vel skipulagt. Svo er þetta bara svo gaman J

 

Gott upplýsingaflæði og móðurmálskennsla í grunnskólum

Það er af mörgu að taka þegar ákveða skal hvaða verkefni skulu ganga fyrir í málefnum innflytjenda.  Í þjóðfélaginu heyrast margar raddir og fjölmargir hafa skoðun á þessum mikilvæga málaflokki.  En þarna er um stór verkefni að ræða, sem allir geta tekið þátt í að vinna að.  Mikilvægustu verkefnin eru þó, að koma á góðu upplýsingaflæði til innflytjenda,  tungumálakennslu fyrir fullorðna á vinnustöðum í vinnutíma, móðurmálskennslu í grunnskólum, sem og að móta skýra stefnu varðandi  viðurkenningu á námi innflytjenda.  Það að viðurkenna nám innflytjenda, er nauðsynlegt til þess að sá mann- og menntaauður sem í innflytjendum býr, nýtist íslensku samfélagi.  Góð undirstaða í eigin móðurmáli, auðveldar málfar og skilning þeirra á íslenskri tungu.  Börn sem koma til landsins á leikskólaaldri og hafa góðan orðaforða og sterka undirstöðu í sínu eigin móðurmáli, eiga oftast auðveldara með að læra nýtt tungumál. Með því að bjóða grunnskólanemum af erlendum uppruna móðurmálskennslu, hjálpum við þeim að ná góðum tökum á íslenskri tungu, styrkjum möguleka þeirra á skýrum og góðum samskiptum við aðra einstaklinga í íslensku samfélagi og gerum þeim kleift að stunda framhaldsnám.  Það kemst enginn innflytjandi langt ef hann hefur ekki íslenska tungu á valdi sínu.  En með góðri íslensku kunnáttu taka þeir að fullu þátt í samfélaginu og leggja sitt af mörkum til uppbyggingar og þróunar.