Upplýsingarflæði til innflytjenda.

Á síðustu mánuðum hefur verið vaxandi umræða um innflytjendamál á Íslandi.  Það er frábært að sjá þann áhuga margra hópa Íslendinga á því að kynna sér aðstæður innflytjenda.  Einstaklinga úr hinum ýmsu starfstéttum, félögum og stjórnmálaflokkum.   Margir vinna nú þegar í þágu innflytjenda við að skoða aðstæður þeirra, möguleika á tungumálanámi og almennt leita úrlásnar í ýmsum þeirra hversdagsmálum.
Við sem erum læs og skiljum íslenska tungu, höfum þann möguleika, að fylgjast með fréttum í blöðum og öðrum fjölmiðlum og vitum því hvað er að gerast í kringum okkur.  Við fáum upplýsingar um vaxandi efnahagsstöðu landsins,  þróun vaxta, lækkun virðisaukaskatts á matvæli og margt, margt fleira. Að hlusta á fréttir og fá þessar upplýsingar um hvað er að gerast í kringum okkur þarf og verður að vera sjálfsagt mál fyrir okkur innflytjendur.  Annars er ómögulegt að taka þátt í samfélaginu og innflytjendur verða utangátta.  Því miður eru ekki allir svo heppnir að geta kveikt útvarpi eða sjónvarpi og hreinlega skilið hvað verið er að segja þar. Stór hópur einstaklinga í okkar samfélagi, getur ekki fylgst með og skilið hvað er að gerast í heiminum, eða bara í næsta bæjarfélagi og hvað þá þeirra nánasta umhverfi. Þess vegna er það í okkar allra þágu, að bæta upplýsingarflæði til innflytjenda enda víkkar það sjóndeildarhringinn í okkar samfélagi og kemur á framfæri þeim breytingum sem þar eiga sér stað. Það gerir innflytjendum kleift að taka þátt í samfélaginu okkar og leggja sitt af mörkum, í þágu okkar allra.

Athugasemdir

[Haukur Nikulásson, 9.2.2007 kl. 21:29]

Ef íslendingar ætla að aðlagast aðstæðum erlendis er eina leiðin að ná föstum tökum á málinu strax, aðrar leiðir eru bara frestun á því óhjákvæmilega. Mér sýnist að þú sért í afburða stöðu til að leiða þínum löndum þetta fyrir sjónir.

Það er (a.m.k. ennþá) gagnkvæmur réttur íslendinga og útlendinga að fara á milli landa en því fylgir óhjákvæmilega sú kvöð að semja sig að siðum og máli viðkomandi lands.

Ég dáist að málfari þínu Grazyna, þetta er til fyrirmyndar. Ég hef reyndar áður séð útlendinga ná svona góðum tökum á málinu og á einhvern afkáralegan hátt verð ég alltaf jafn stoltur af ykkur!

[Ragna Jóhanna Magnúsdóttir , 11.2.2007 kl. 15:27]

Einar K. Guðfinnsson skrifaði undir samning við Fjölmenningasetur á Ísafirði er varðar starfstengda íslenskukennslu fyrir erlent fiskvinnslufólk. Alltaf gott að halda á lofti því sem vel er gert. Sjá nánar í BB