Frábært framtak hjá laganemum við Háskólann í Reykjavík

Lögrétta, félag laganema við Háskólann í Reykjavik hyggst veita innflytjendum ókeypis lögfræðiaðstoð í Alþjóðahúsinu. Þetta er frábært framtak sem kemur sér vel fyrir báða aðila, laganema og Alþjóðahúsið og nýtist innflytjendum vel.  Þessi þjónusta skiptir mjög miklu máli fyrir innflytjendur sem standa oft uppi með stórar spurningar sem erfitt er að fá svör við.  Hvar eiga þeir til dæmis að leita upplýsinga um reglur vegna atvinnuleyfis, dvalarleyfis, búsetuleyfis, rikisborgararéttar, fæðingarorlofs, skattamála og margt fleira er hægt að telja upp. Það verður örugglega mikið að gera hjá Andra, Bergþóru og Gunnari Agli eftir opnunina á miðvikudaginn.  Flott ákvörðun hjá ykkur til hamingju.

Athugasemdir

[arnar valgeirsson, 17.3.2007 kl. 22:10]

Tek undir þetta. flott framtak. Ekki þekki ég Bergþóru en Andri og Gunnar eru dugnaðarforkar með stórt hjarta. Bergþóra væntanlega ekki síður.

[Ásthildur Cesil Þórðardóttir, 18.3.2007 kl. 18:15]

Sammála þér Grazyna mín ekki vanþörf á.